積善樓：內外現今比較

積善樓：內外現今比較
積善樓是南屯水碓社區裡的古蹟，喜歡懷舊的同好，可以到台中來看看。

(台語詩)
長榮公tòa二份埔
起有厝名「懷德堂」
前有榕樹kah水池
後有竹林kah果樹

新起門樓名「積善」
望孫行善積公德
東pêng koh起「新間仔」
接待貴賓禮數足

土地重劃拆門樓
只chhun積善孤單háu
好心人士來幫贊
列做古蹟後世留

1.積善樓ê起源：

清朝末年，先祖長榮公ùi頭張遷居今仔日ê二份埔，起有三合院號名「懷德堂」。

民國十三年，崇仁公聽從唐山地理師ê建議，另起新門樓t„舊門樓ê 南pêng，謂此家業ë-táng飛黃騰達。新門樓號名「積善樓」，有勉勵後世囝孫行善助人ê意思。

2.懷德堂周圍ê環境：

懷德堂起ê時間t„ 1896年，是傳統ê三合院建築，位置郊區。後又koh t„東pêng koh起「新間仔」，接待貴賓。

T„懷德堂頭前是一個空地，種有五欉榕樹，正對積善樓ê hit欉榕樹歷史悠久，有一百二十幾年ê歷史，其他四欉mä有八十年ê歷史。

T„ siöng後ê榕樹頭前有一窟水池，逐擺賴氏家族做生日ê時會t„水池頂起戲臺唱戲，一唱就是八工。戲班mä是賴氏養ê，tòa t„新間仔ê尾間。

懷德堂頭前圍牆外，是一塊墓á；後pêng是一片竹林，種有果樹。Koh再向外延伸，就是農田。

3.土地重劃後ê懷德堂：

民國六十八年，台中市政府實施第四期市地重劃，賴氏厝宅、門樓座落土地規劃抵費地，後因開闢道路厝宅拆除，只有積善樓保存落來。後來因為有好心人ê幫助，致使積善樓hông列做古蹟。積善樓土地所有人賴明聰將土地捐h³政府，h³國家來維護古蹟。

新間仔後來被改建做印刷廠，現今koh有teh經營，廠長是賴氏後代囝孫賴明聰。

五欉榕樹猶koh保留到今仔日，後列入台中市第十九號ê老樹行列。

水池已經h³ thün平，民國八十一年有興建一座涼亭kah老人活動中心，h³附近ê居民坐涼、泡茶開講ê場所。

4.現今積善樓ê周圍環境：

除了懷德堂列入第四期市地規劃，t„懷德堂周圍ê田地mä改建做現今ê透天厝，以前ê竹林mä變成高級住宅區，t„懷德堂頭前ê hit片墓á，mä已經改建做兒童公園。想bë到才幾十年ê光陰，就有hiah-nih大ê變化。